وضع المريضة مسئولية الدكتور (نسا و تخدير بالمناسبة) …
زي ال laparoscope لازم المريضة تبقى في وضع مريح تحت البنج و الدكتور يشتغل بدون اجهاد …
وضع المريضة مش حايختلف كتير عن ال laparoscope
يعني low dorsolithotomy بس مع رفع الفخدين لأعلى و للخارج overflexed + abducted hips و بيساعد الدكتور في ده ال stirrups اللي بيرفعهم لفوق و للخارج في نفس الوقت .
و بأكد على نقطة ان Buttocks of the patient must be off the table .. لأن كل حركة جوا الرحم بالمنظار حاتعتمد على حرية الحركة الخارجية للعدسة و الكاميرا في اتجاه الارض بدون اعاقة من الترابيزة….
أرضى ال diathermy يتحط على الـbuttocks او الـ thigh زي الـ laparoscope.
دراع العيانة مش حايفرق معايا خالص.. دكتور التخدير يحطه زي ما يحب. … نادرا ما بنحتاج لـ elastic stocking الا لو الحالة عندها indication or history of VTE و نادراً ما فيه حالة منظار رحم بتتجاوز ال 60 دقيقة زي م حانعرف بعد كدة…
مافيش عندنا head down / Trendelenburg position خالص
بالنسبة للدكتور.. قاعد… كرسي مريح و متحرك …. ارتفاع الترابيزة نفس مستوى كوع الدكتور… الشاشة على بعد مناسب.. في حدود المتر … لا بعيد جدا و مش شايف ولا لازقة في الجراح و مش مستريح…
الدكتور بيبص مباشر قدامه (لو غرفة عمليات محجهزة “كبسولة” أو OR1) أو بزاوية بسيطة يمين أو شمال مش حاتفرق… غير مقبول يلوي راسه 90 درجة أو يعوج جسمه في غير اتجاه الهستروسكوب حتى لو حالة diagnostic
الـ foot switch for diathermy لازم تبقى ثابتة و قريبة و من غير مابص كل شوية عارف فين البدال الأصفر من الازرق .
كل التوصيلات (كابل اللايت و ال كاميرا و الدياثيرمي و ال Fluid-in) تكون جاية من نفس الناحية، مش crossing و مش مكعبلة مع بعضها .
الكاميرا محمولة في الوضع المعتدل (زراير الظبط لفوق) على راحة كف اليد اليمنى (أو اليسرى لو Dominant) للجراح و اليد الأخرى فيها كابل اللايت لتوجيه العدسة أو الة الأوفيس (حانتكلم فيها لاحقا) أو وحدة تحكم الريسيكتوسكوب (working element) .
بعد ماندخل بالهستروسكوب… اضاءة الغرفة تنزل بس مش للصفر..لازم إضاءة خلفية بسيطة عشان العين ماتتعبش… و كمان لازم نبص في مكان بعيد غير الشاشة كل 20 دقيقة (لو حالة طويلة) عشان نتجنب اجهاد العين (Repetitive strain injury)
